"အမြတ်ဆုံးချမ်းသာ"
အနာရောဂါကင်းခြင်းသည် အကြီးဆုံးလာဘ် ဖြစ်၏။
တင်းတိမ်ရောင့်ရဲခြင်းသည် အကောင်းဆုံးဥစ္စာ ဖြစ်၏။
အကျွမ်းတ၀င် ချစ်ခင်သောသူသည် အကောင်းဆုံး ဆွေမျိုး ဖြစ်၏။
နိဗ္ဗာန်သည် အမြတ်ဆုံး ချမ်းသာ ဖြစ်၏။
( ဓမ္မပဒ)
--------------------------------------------------------------------------------
"မိတ်ကောင်း ဆွေကောင်း"
ရောဂါနှိပ်စက်သောအခါ
ငတ်မွတ်ခေါင်းပါးသောအခါ
စည်းစိမ်ပျက်စီးသောအခါ
ရန်သူဖမ်းမိသောအခါ
မင်းအိမ်တံခါး (တရားရုံး) ၌ အမှုဆိုင်ရသောအခါ
ခန္ဓာဝန်ထုပ် အကောင်ပုပ်ကို မြှုပ်နှံပြာချ သုသာန်ကိစ္စ ကြုံသောအခါ
ဤအခါတို့၌ ရပ်တည်ကူညီသောသူသည် မိတ်ကောင်း ဆွေကောင်း မည်၏။
( လောကနီတိ )
------------------------------------------------------------------------------------
"လင့်ကျင့်ဝတ်"
(၁) မိမိမယားအား မထီလေးစား မပြုရခြင်း။
(၂) ရှာဖွေရရှိ သမျှ ဥစ္စာတို့ကို အပ်နှံရခြင်း။
(၃) အခြားမိန်းမနှင့် ဖောက်ပြားကျူးလွန်ရန် မကြံစည် ရခြင်း။
(၄) မိမိမယားအား အ၀တ်တန်ဆာ ၀ယ်ယူဆင်ယင် ပေးရခြင်း။
(၅) မြတ်နိုးကြင်နာစွာ ဆက်ဆံရခြင်း။
( မထီ မဲ့ကင်း၊ အပ်နှင်း ဥစ္စာ၊ မိစ္ဆာ မမှား၊ ၀တ်စား ဆင်ယင်၊ မြတ်နိုးကြင် ၊ ငါးအင် လင်ကျင့်ရာ။)
-----------------------------------------------------------------------------------------------------------------------
"မယားကျင့်ဝတ်"
(၁) အိမ်တွင်းမှု ကိစ္စများကို အဆင်ပြေစေရန် စီမံ ပြုလုပ်ခြင်း။
(၂) လင်ယောက်ျား ရှာဖွေ အပ်နှံသော ဥစ္စာကို ထိန်းသိမ်း စုဆောင်းခြင်း။
(၃) အခြား တစ်ပါးသော ယောက်ျားတို့နှင့် မမှားမယွင်း မဖောက်ပြန်ခြင်း။
(၄) နှစ်ဖက် ဆွေမျိုး၊ အိမ်နီးချင်း အလှူခံတို့အား မျှတစွာ ခွဲဝေပေးကမ်း လှူဒါန်းခြင်း။
(၅) အိမ်ထောင်မှု ကိစ္စအားလုံးတွင် မပျင်းမရိ ချစ်ခင်ဖွယ်ဖြစ်အောင် ကြိုးစားခြင်း။
(အိမ်တွင်းမှု လုပ်၊ သိမ်းထုပ်သေချာ၊ မိစ္ဆာကြည်ရှောင်၊ လျော်အောင် ဖြန့်ချိ၊ ပျင်းရိ မမူ၊ ၀တ်ငါးဆူ၊ အိမ်သူ ကျင့်ဝတ်စွာ)
------------------------------------------------------------------------------------------------------------------------------
"သခင်ကျင့်ဝတ် (အလုပ်ရှင်)"
(၁) အလုပ်သမားကို ၀ လင်အောင် ကျွေးခြင်း
(၂) လုပ်နိုင်သော အလုပ်ပမာဏကိုသာ ပေးအပ်ပြီး သင့်လျော်ချိန်တွင် ပြုလုပ်စေခြင်း
(၃) နာဖျား မကျန်းမာသောအခါ ပျောက်ကင်းသည်အထိ ဆေးကုသပေးခြင်း
(၄) ထူးခြင်းသော အစားအစာကို ရရှိတိုင်း ဝေငှပေးခြင်း
(၅) ဥပုသ်နေ့၊ ပွဲတော်နေ့၊ အလုပ်ပိတ်ရက်တို့တွင် အနားပေး လွတ်လပ်စေခြင်း
(၀စွာ ကျွေးမွေး၊ ပြုရေးစီရင်၊ နာလျှင် ကုစေ၊ ငှဝေ ရသာ၊ အခါကို လွှတ် ၊ အရှင့်ဝတ် ၊ မချွတ် ငါးခုသာ)