ငှက်အမျိုးမျိုးနှင့် ဂန္ဓာရီဆန်သည့် အယူအဆများ (၁)
သက်လုံ
လူသားသည် မြေကြီးနှင့်တွဲနေသော သတ္တဝါများဖြစ်သောကြောင့် မိုးပေါ်ပျံနိုင်သော ငှက်များကို ရှေးခေတ်သတ္တဝါများအဖြစ် သဘောထားကြသည်မှာ မဆန်းပါချေ။ ကမ္ဘာပေါ်မှ များစွာသော လူမျိုးတို့သည် ငှက်များကို နတ်များ၏ စီးတော်ယာဉ် (ဝါတန) အဖြစ် လည်းကောင်း၊ နတ်များ၏ စေတမန်အဖြစ် လည်းကောင်း သတ်မှတ် ယူဆကြ၏။ ရှေးခေတ်အခါက ဘာသာရေးဆိုင်ရာ ဘုန်းတော်ကြီးများနှင့် ရှေးဖြစ်ဟော ဆရာများသည် ငှက်များပျံပုံ၊ အော်မြည်ပုံ၊ ပြုမူပုံများကို လေ့လာ၍ နိမိတ် အကောင်း၊ အဆိုး သတ်မှတ်ကြ၏။ ရောမခေတ်က ဘုန်းတော်ကြီးများ အုပ်ချုပ်သောဌာနတွင် ရှေးဖြစ်ဟောရသည့် အတတ်ဖြစ်သော အော်နစ်သိုမန်စီ (ORNITHO MANCY) ကို လေ့လာသင်ကြားခဲ့ရာ နောင်တွင် ခရစ်ယာန်သာသနာ ထွန်းကားလာပြီးသည့်တိုင်အောင် ယုံကြည်လက်ခံသူများသည် ခရစ်ယာန် ဘုန်းတော်ကြီးက မျက်မှောင်ကုတ်သည့်ကြားမှပင် များပြားလျက် ရှိ၏။
