ပါးပေါ်က တင်းတိတ်နှစ်ကွက်

ပါးပေါ်က တင်းတိတ်နှစ်ကွက် 

မြသန်းတင့်

တစ်လောက ဆရာဆောင်ကွယ်လွန်ပြီလို့ သတင်းရတယ်။ ဆရာဆောင်ရဲ့ အသုဘကိုလိုက်ပို့ချင်ပေမယ့်တစ်ရပ်တစ် ကျေးမှာ ဖြစ်နေလို့ လိုက်မပို့နိုင်ဘူး။ ပြီးတော့ သတင်းကိုကြားရတော့လည်း ဆရာဆောင် ကွယ်လွန်ပြီးလို့ တစ်လလောက် ရှိနေပြီလေ။

လွန်ခဲ့တဲ့ နှစ်နှစ်လောက်တုန်းကတော့ ကျွန်တော့် ဇာတိမြို့ကလေးကို ရောက်သွားလို့ ဆရာဆောင်ကို သွားကန်တော့ ခဲ့သေးတယ်။ ဆရာဆောင်လို့ ခေါ်ကြတဲ့ ဆရာဦးလှဆောင်နဲ့ နောက်ဆုံး တွေ့ခဲ့တာပါပဲ။

ဆရာဆောင်ဟာ ကျွန်တော် ကျောင်းသားဘ၀မှာ မမေ့နိုင်တဲ့ ပုဂ္ဂိုလ်တစ်ဦးပါ။ သူက အင်္ဂလိပ်စာတို့ ဘာတို့မတတ်ရှာ ပါဘူး။ မြန်မာစာဆရာပါ။ စစ်မဖြစ်ခင်တုန်းကလည်း ဆရာဆောင်ဟာ မြန်မာစာဆရာပဲ။ ဆရာဖြစ်သင် နော်မံကျောင်းက ဟိုင်းယားဂရိတ်အောင်ပြီး တစ်လျှောက်လုံး

လက်ဘက်ရည်ဆိုင်ထဲမှာဖြတ်သန်းစီးဆင်းသွားသောရေအလျဉ်

မဟေသီမဂ္ဂဇင်း၊ အမှတ် ၁ဝဝ။ ၁၉၉၃ ခု၊ ဖေဖော်ဝါရီလ။

လက်ဘက်ရည်ဆိုင်ထဲမှာဖြတ်သန်းစီးဆင်းသွားသောရေအလျဉ်
  မြသန်းတင့်

[၁]
ကျွန်တော်သည် ၄၅ လမ်းထဲသို့ ချိုးဝင်လိုက်သည်။
ဗိုလ်ချုပ်လမ်းနှင့် အနော်ရထာလမ်းမကြီးများပေါ်တွင် မော်တော်ကားသံတွေ၊ ဟွန်းသံ တွေ ဆူညံနေသလောက် လမ်းထဲမှာ တိတ်ဆိတ်နေသည်။ အချို့နေရာများတွင် တိုက်သစ် အိမ်သစ်တွေကို မြင်ရသော်လည်း အချို့နေရာများတွင်မူ တိုက်ဟောင်း အိမ်ဟောင်းတွေ ကျန်နေသေးသည်။ တချို့အိမ်တွေမှာ စက္ကူပန်းရုံလေးတွေ၊ ဗာဒံပင်ဝိုင်းဝိုင်းကလေးတွေ စိမ်းစိုအေးမြနေသည်။