သီချင်းဆို၍ ငိုရသည်

သိန်းဖေမြင့်

ပေဖူးလွှာ မဂ္ဂဇင်းချစ်စွာသော အယ်ဒီတာက စာပေသက်သက်ဖြစ်သော ဆောင်းပါး တစ်ပုဒ်ကို ရေးပါဘိဟု ငါ့ထံ ချဉ်းကပ်လာခဲ့သည်။“စာပေသက်သက်” ဟူသော စကားဖြင့် သူဘာဆိုလိုသည်ကို ငါရိပ်မိပါ၏။
နိုင်ငံရေးနှင့် ပတ်သက်သော ဆောင်းပါးကို သူက ငါ့အား မရေးစေလို။ငါသိသည်။ ဤလောဘဇော အတော မသတ်နိုင်သော ဓနရှင် နယ်ချဲ့သမားတို့ ခေတ်၌ ဤအရှက်မရှိ၊ အညှာအတာ မရှိသော
 ကြီးနိုင်ငယ်ညှဉ်း ခေတ်၌ စာပေ သက်သက်ကို သာရေး မနေတော့နိုင်။ သာယာ ချိုမြသည့် ချိုးကူသံက လေးကိုသာ ကြည်နူး၍ မနေတော့နိုင်။ နယ်ချဲ့သမား သရဲ သဘက်များ၏ ဗုံးသံ သေနတ်သံသည် လက်ကာ၍ ထားသော နားတွင်းသို့ ချဉ်းနင်းဝင်ရောက် လာလေပြီ။ ဤအကြောင်းကို ငါသိပါ၏။ သို့သော် ကတိပေး ပြီးဖြစ်သဖြင့် သူ့အလိုကျ စာပိုဒ်များကို ရေးနိုင်ရန် အတန်တန် စဉ်းစား၏။ အိမ်တွင် ထိုင်စဉ်းစား၍ မရသောကြောင့် လမ်းလျှောက်ရင်း အကြံယူရန် ထွက်ခဲ့လေသည်။
ရန်ကုန်မြို့မိုးဥတု ကောင်းကင်သည် ညှို့မှိုင်းလျက် ရှိ၏။ စိမ်းစိုသော သစ်ပင်များ အပေါ်၊ နီမြန်းသော တိုက်ခန်းကြီး အပေါ်တို့မှ ထိုးထွက်ကာ ညှို့မှိုင်းသည့် ကောင်းကင်ရှေ့တွင် ဟိုက်ကုတ် နာရီစင်ကြီးသည် မားမား ကြီး ရပ်နေ၏။ အညိုကျောခံတွင် ဖြူစင်စွာ ပေါ်နေသော နာရီ မျက်နှာကြီးမှာ ခြောက်နာရီ ခွဲအချိန်ကို ပြနေလေ၏။ ဘုရင်မ ပန်းခြံတွင်းရှိ လူအုပ်လည်း ကွဲစပြုလေပြီ။ ငါလည်း ပတ်ဝန်းကျင်ရှိ သာယာမှုကို ရှုစားရင်း လေသန့်လေကောင်း ကလေးများကို ရှူစပြုလေပြီ။ ရှေ့မြက်ခင်းကြီးမှာ ကတ္တီပါ ကော်ဇော စိမ်းကြီးနှင့် တူသည်ဟု ယူဆစပြုလေပြီ။ ဆူးလေဘုရား၏ တောက် ပြောင်သော ရွှေရောင်ကို ကြည်ညိုစ ပြုလေပြီ။ အတိုချုပ်အားဖြင့် ဆိုသော် စာပေ သက်သက်ဖြစ်သော စာတစ်ပုဒ်ကို ရေးနိုင်လောက်ပြီဟု ထင်စပြုလေပြီ။
ထိုအခိုက် ပန်းခြံအပြင် ဘက်မှ“ထောင်ရောင်နေ၊ မှောင်မှောင်ချွေ၊ နန်းအမရ ရွှေဘုံ မြေ၊ ရဝေ ရဝေ၊ ရဝေ နန်းမှာ ဘုန်းတော်ရောင် ထွန်းပါဘိလေး” ဟု ခပ်ကျယ်ကျယ် ဆိုလိုက်လေသော သီချင်းသံကို ငါကြားရလေသည်။ သီချင်းမှာ ကျယ်သလောက် ကောင်း၏။ လူကြီးသံကား မဟုတ်၊ ကလေးသံပင် ဖြစ်၏။ နွားကျောင်းသားကလေးများ မန် ကျည်းပင်ပေါ်က တက်ဟစ် လိုက်သလို အချွဲအဟဲ နည်း နည်းဖြင့်ပင် ကောင်းလေသည်။ ငါသည် အသံလာရာသို့ ကြည့်လိုက်ရာ ပန်းခြံအပြင် ဘက် အုတ်တလင်းပေါ်တွင် လူတစ်အုပ်ကို မြင်ပေ၏။
ငါတော့ သွားကြည့်ပြီး သီချင်း တဆိုဆိုနှင့် ပျော်နေတဲ့ ကလေးအကြောင်း စာရေးမယ်။ ဒီတစ်ခါ စာပေသက်သက် ဖြစ်တော့မှာပဲ။ငါသည် အပြင်ရောက်၍ လူအုပ်ကြားသို့ တိုးဝင်၏။ သူတို့ ၀ိုင်းထားသော အလယ်ခေါင်တွင် ဆယ့်နှစ်နှစ်သား အရွယ် သူငယ်ကလေးသည် စက္ကူကို ထောင်နေအောင် ခေါင်းပေါင်းထား၏။ ကျပ်တည်းစွာ ၀တ် ထားသော ထိုင်မသိမ်း အင်္ကျီမှာ လက်ယာဘေးက ပြဲနေ၏။ ပန်းရောင်တွဲ လုံချည်တစ်ပတ် ရစ်ကို တောင်ရှည်ဖြစ်သလို ၀တ်ထား၏။ မျက်နှာကိုဖြူနေ အောင် ပေါင်ဒါ ရိုက်ထားရာ မျက်ခုံးပေါ်တွင် ပေါင်ဒါဖုံးလျက် ရှိ၏။ ပုဆိုးစကို ၀ဲခနဲ ၀ဲခနဲကိုင်ပြီး ခြေတစ်ဖက်ကို ကြွ၊ခြေတစ်ဖက်ကို ဖနောင့်နှင့် နင်းထားပြီး ပတ်ချာလည်ကာ ကနေလေ၏။ သူ့အနီးတွင် ဆယ်နှစ်မျှရှိသော မိန်းကလေး မှာလည်း ခါးတောင်အင်္ကျီ၊ အချိတ် ထဘီတြို့ဖင့် ဆင်ထားသည့် အပြင် ဆံရစ်ကလေးကို ကောင်းစွာ ချထားပြီး တစ်တောင် မျှသော ဆံပင်ကို ဘီးစပတ် ပတ်ထားလေ၏။ ပေါင်ဒါကို ဖွေးနေအောင် လူးထား၏။ မျက်လုံး ကလေးများမှာ နီနေလေ၏။ သူသည် ခွက်ကလေးဖြင့် ကြည့်နေသူများအား ပိုက် ဆံခံနေလေ၏။
သူ့မျက်နှာကား ညှိုးနွမ်းလျက် ရှိ၏။ သူတို့ နှစ်ယောက်၏ အရွယ်နှင့် ရုပ်ကို ကြည့်ပြီး သူတို့သည် မောင်နှမ ဖြစ်သည်ဟု ငါ ဆုံးဖြတ်၏။သူငယ်ကလေးကား သီချင်း အမျိုးမျိုးကို ရောက်တတ်ရာရာ ဆိုရင်း ချွေးဖြိုင်ဖြိုင် ကျအောင် ကနေ၏။ နားထင်နှင့် လည်ပင်းရှိ အကြောများကား ဖောင်းကြွယှက်သန်း လျက်ရှိ၏။ သူ့မျက်နှာမှာ ပင်ပန်းသော လက္ခဏာ မရွှင်သော လက္ခဏာတို့သာ ထင်လေ၏။ အသက် မရှိသော ခေါင်းတိုင်မှ ဥသြသံမြည်သလို စိတ်မပါသော ပါးစပ်မှ သီချင်း များ ထွက်လျက်ရှိပေ၏။ သူ့ နှမကလေးသည် ခွက်တွင် ပိုက်ဆံကို ခလောက်ခလောက် နှင့် အသံပေးပြီး “ထည့်ကြပါ၊ သနားကြပါ၊ ကိုကိုတို့၊ မမတို့၊၊ ဘာဘူကြီးတို့ရှင့်” နှင့် တောင်းခံနေလေ၏။
ငါသည် နားအရသာ လည်း မခံနိုင်၊ မျက်စိအရသာ လည်း မခံနိုင်၊ နွေအခါ ညနေစောင်း တိုက်အိမ်တွင်း ၀င်မိ သူနှင့် တူပေ၏။ စိတ်များစွာ အိုက်သွား၏။ပရိသတ်ထဲမှ လူတစ်ယောက်က “ပိုက်ဆံပေး မယ်။ နှစ်ပါးသွား ကပြကြဦး” ဟု အမိန့် ပေးလိုက်လေရာ“ဟုတ်တယ် ဟုတ်တယ် ၀မ်းစမိုး”
“အခြား ပိုက်ဆံဒေးကား”
“နှစ်ပါးသွားကလေး ဟေ့” ဟု အော်သံတွေ လိုက်လာ ကြ၏။ ငါသည် ထွက်ပြေးချင်၏။ ခက်ပါဘိသည်။ စိတ်အား ထက်သန်သော ပွဲကြည့် လာသူများသည် ထွက်ပေါက် မရအောင် ညပ်လျက် ရှိ၏။ ငါ့မှာ ကြက်တိုက်ပွဲထက် ရိုင်းသော တိုက်ပွဲကို မကြည့်ချင်ဘဲ ကြည့်ရတော့မည်ဟု စိတ်နှလုံး တုန်မိပါ၏။မောင်နှမနှစ်ယောက်မှာ မင်းသမီး၊ မင်းသားလုပ်၍ ကရန်မှတစ်ပါး အခြားမရှိ တော့ပေ။ မင်းသားက ခေါင်းကလေးငဲ့၊ ခါးကလေးထောက် ထည့်ပြီး“ကဲ ကြိုးစားလိုက်ကြဦးစို့ နှမရေ” ဟု ခေါ်၏။
နှမကလေးမှာ ပိုက်ဆံခွက်ကို အ၀တ်ပုံနား ချထားပြီး“နှမကလေး ခိုင်သဇင်က အတိုင်ပင်ခံရန် အဆင်သင့်ပါပဲ မောင်မောင်”ဟူ၍ လက်တစ်ဖက်ဖြင့် ခါးထောက်၊ လက်တစ်ဖက်ဖြင့် ချည်ထုပ်စက္ကူ ယပ်တောင်ကို ခတ်လေ၏။“နံပါတ်ဝမ်းတစ်၊ ဂဏန်းတစ်၊ မန်းချစ်သည့် အပျို”
ငါကား ခေါင်းငုံ့ကာ မျက်စိမှိတ်ပြီး အဆင်မတည့်သော လောကကြီးကိုသာ စိတ်နာနေတော့၏။ ဤကလေးများသည် ဆင်းရဲသား ဆင်းရဲ သမီးများ ဖြစ်ကြ၏။ ဘာအလုပ်မျှ လုပ်စရာ မရှိ။ တောင်းရမ်းကာသာ စားရ၏။ သူတောင်းစားကလည်း ပေါလာသဖြင့် ရိုးရိုးနည်းဖြင့် တောင်းမရ။ သို့ကြောင့် ဆိုက နှစ်ပါးသွား၍ တောင်းရမ်း ရှာ၏။ “ဒါဟာ အင်မတန် အဆင်မပြေဘူး။ မွဲရင် ငတ်ဖို့ ငိုဖို့သာ ရှိတယ်။ ခုတော့ ငို မနေအားရှာတော့ဘူး။ သီချင်း ဆိုပြီး အငတ်ပြေရတယ်။ နှစ်ပါးသွားပြီး အမွဲဖျောက် ရတယ်။ သေမယ့် ရောဂါဒဏ် မသေခင်ကလေး ခံနိုင်အောင် ဘိန်းကျွေးပြီး သတ်တာနဲ့ ဘာထူးသေးသလဲ။ ဘာထူးသေး သလဲ” ဟု စိတ်တွင် အခဲ မကြေစွာ မေးနေဆဲ။
“အဲဒါမှ ကျွန်ုပ်မယားပါ။ မောင်မောင် အသည်းစွဲ ချစ်ရတဲ့ မယား။ ဒါကြောင့် အချော အလှတွင် ညီသဟေ့။ ဇောဘ၀င် ကြည်မြေ့ မရွေ့နိုင်ဘူး။ မြေညွန့်ကိုသာ ဟာဟာ၊ ဒဂုံပရ မေ ရှေ့တော်မှာ မယုံသရွေ့ ကျိန်ပြမှာ၊ မင်းအပေါ်မှာ မလော်မာပါဘူး။ တော်ရာ ပျော်ကာကြူးခဲ့ရင် စူးပါစိ စိန္တေယျာ” ဟုဆိုပြီး ပုဆိုးမြိတ်ကို ရုပ်သေးမင်းသားဟန် ဇတ်ခနဲ ဆွဲဆွဲပြီး ကွေးနေအောင် က လေ၏။ မင်းသားပြီးသွားသော အခါ မင်းသမီးက မောင်တော် အား ယပ်တောင်ကလေးဖြင့် ခပ်ပေးရင်း“နှစ်ဦး ကံဆုံသရွေ့၊ အထူးဥာဏ် ဘုံဓလေ့၊ ကြုံတွေ့ ပြန်ရတာ၊ အို စိတ်ထင်ရာ ပြောမှာ။ အို နှစ်ဦး ကံဆုံသရွေ့၊ အထူး ဥာဏ်ဘုံဓလေ့၊ ကြုံတွေ့ ပြန်ရတာ၊ အို စိတ်ထင်ရာ ပြောမှာ။ မနောစေတနာ၊ မနသီစွဲ ရယ်နဲ့ ကျွန်မ အတည်ပဲ ရယ်လို့ မြဲတော်မူသင့်ပါ”အေးမြကြည်လင်စွာ သီဆိုပြန်လေ၏။
သြော် ဒါမှ ငိုချင်းအစစ်ပဲ။ ဇာတ်ထဲ၊ ရုပ်သေးထဲမှာ ငိုချင်းက စိတ်ပါလက်ပါ မဟုတ်ဘူး။ ဟောဒါကမှ တကယ့် စိတ်ပါတဲ့ ငိုချင်းဟု ငါသဘော ပေါက်လာပြီး ရှေ့ဆက်၍ သည်းမခံနိုင်သဖြင့် ပြန်ရန် နောက်လှည့်လိုက်သော အခါ လူတစ်ယောက်က“ကောင်လေးရော ကောင်မလေးရော အသံသိပ် ကောင်းတယ်။ အဆိုကို ကျကျ သင်ပေးရရင်” ဟု ပြောဆဲ“ဟန်ကျမှာပေါ့။ ခေါ်လာရင် မကောင်းဘူးလား။ တို့ကုမ္ပဏီမှာလည်း သပိတ် မှောက်နေကြလို့ အသံထွက် ရိုက်တုန်း ဆိုပေးမယ့် လူလိုနေ တယ်”ဟု အခြားတစ်ယောက် က အကြံပေးသံကို ကြားရ သည်။
“ဟုတ်တယ် ကုလားကြီး ကလည်းတို့က လူရှာပေးလို့ သိပ်ကျေးဇူးတင်မယ်”
“ပြီးတော့ ကလေးတွေ ကတော့ တောင်းစားတာတွေ ဆိုတော့ ပိုက်ဆံများများ ပေးဖို့ မလိုဘူး”
ငါ့မှာကား တိုက်ဆွေးကြီး အောက်ရောက်နေခိုက် ငလျင် သံကို ကြားသကဲ့သို့ ရှိတော့ သည်။ အတင်းတိုးထွက်သော အခါ“နို့ပေမယ့် ကုလားကြီး ကိုတော့ ဈေးကောင်းကောင်း ချရမယ်” ဟူသော နောက် ဆုံးစကားကို ကြားရပါသေး သည်။ ငါသည် နောက်က လိုက်တောက်နေသော မီးမှ လွတ်အောင် ပြေးရသကဲ့သို့ ထိုပွဲကလေးမှ အဝေးသို့ ပြေးခဲ့သည်။ ရှေ့သို့လည်း ဝေးဝေးမကြည့်တော့။ ဘေးမှ ရှိသမျှ အသံများကိုလည်း ကောင်းကောင်း မကြားတော့ဘဲ လျှောက်လာခဲ့ရာ“လာလာ လိုက်မလား ဆရာ။ ဟိုး ဟိုး တက်တက်” ဟုခေါ်သော ဘတ်စ်ကားပေါ်သို့ ဘယ်လိုကြောင့် တက်မိသည် မသိ၊ တက်လိုက်ပါသည်။ ဘယ်သို့ သွားနေသည် ကို မသိပါ။ ငါလည်း ဘယ်သော အခါမှ စာပေသက်သက် ဆောင်းပါးကို ရေးနိုင်မည် မသိပါ။
သိန်းဖေမြင့်(ဒဂုန်မဂ္ဂဇင်း၊ အတွဲ (၁၉)၊ အမှတ်(၁)၊ စက်တင်ဘာလ ၁၉၃၈)မှတ်ချက်။ ။ ထိုစဉ်က ဘဂျပ်ဘားမား ရုပ်ရှင်မှာ သပိတ်မှောက် နေကြလေသည်။